Препаратнинг савдо номи: Флюдар

Таъсир этувчи модда (ХПН): флуконазол

Дори шакли: тез эрувчан таблеткалар

Таркиби

бир таблетка қуйидагиларни сақлайди:

фаол модда: флуконазол – 50 мг;

ёрдамчи моддалар: прежелатинизацияланган крахмал, кросповидон, микрокристалл целлюлоза, натрий сахарин, аспартам, коллоид кремний диоксиди, «Сариқ шафақ» рангли буёвчиси, кроскармеллоза натрий, магний стеарат, Powderoma Апельсин таъми.

Таърифи: ясси цилиндрик думалок шаклдаги таблеткалар, оч сариқ рангли ок доглари билан, бир томони ажратувчи чизикли, иккинчи томони ясси таблеткалар.

Фармакотерапевтик гуруҳи: Замбуруғларга қарши восита.

Код АТХ: J02АC01

 

Фармакологик хусусиятлари

Фармакодинамикаси

Флуконазол триазол синфи замбуруғларга қарши воситалар вакили бўлиб, замбуруғлар хужайрасида стероллар синтезининг кучли селектив ингибиторидир.

Яққол замбуруғларга қарши таъсир кўрсатади, замбуруғларнинг цитохром Р450 ни юқори селектив ингибиция қилиб, замбуруғлар хужайрасида стероллар синтезини блоклайди

Флуконазол, замбуруғларнинг цитохром Р450 учун юқори селектив бўлган ҳолда, ушбу ферментларни инсон организмида деярли сусайтирмайди (итраконазол, клотримазол, эконазол ва кетоконазолга нисбатан одам жигари микросомаларида цитохром Р450 оксидланиш жараёнларини камроқ даражада бостиради). Антиадроген фаолликка эга эмас.

Препарат оппортунистик микозларда самарали, шу жумладан Candida spp. (иммунодепрессия фонидаги ёйилган кандидоз шакллари ҳам), Cruptococcus neoformans ва Coccidioidesimmitis (бош суяк ички инфекциялари ҳам), Microsporum spp., Trichophyton spp. лар чақирганларидан ҳам. Бундан ташқари, флуконазолнинг фаоллиги эндемик микозларнинг моделларида ҳам, шу жумладан Blastomyces dermatitidis, Coccidiodes immitis ва Histoplasma capsulatum чақирган инфекцияларда ҳам кўрсатилган.

Флуконазол билан даволаш қон плазмасидаги тестостерон (эркакларда) ва туғиш ёшидаги аёлларда стероидлар концентрациясига таъсир қилмаганлиги аниқланган. Флуконазол эркакларда эндоген стероидлар  даражасига ва уларни адренокортикотроп гормон (АКТГ) билан рағбатлантиришга бўлган реакциясига клиник аҳамиятли даражада таъсир кўрсатмаган.

 

Фармакокинетика

Сўрилиши юқори (бир вақтда овқат қабул қилиш препаратнинг сўрилишига таъсир қилмайди). Биокираолишлиги – 90%. Препарат қабул қилинганидан кейин 0,5-1,5 соат ўтгач чўққи концентрациясига эришилади.

Қон плазмаси оқсиллари билан боғланиши – 11-12%. Плазмадаги концентрацияси дозага нисбатан тўгри пропорционал боғликликда бўлади. Препарат билан даволанишни 4-5 кунида (суткада 1 марта қабул қилинганида) 90% даражада мувозанат концентрациясига эришилади.

Зарб доза (биринчи куни) одатдаги суткалик дозадан икки марта катта доза юбориш, иккинчи куни 90% мувозанат концентрациясига мос келувчи даражага эришиш имкониятини беради. Флуконазол организмнинг барча биологик суюқликларига яхши ўтади. Препаратнинг кўкрак сути, бўғим суюқлиги, сўлак, балғам ва перитонеал суюқликдаги концентрацияси плазмадаги даражасига ўхшаш.

Вагинал секретда доимий қийматларга 8 соатдан кейин эришилади ва шу даражада  камида 24 соатда сақланади. Замбуруғли менингити бўлган беморларда флуконазолнинг орқа мия суюқлигидаги миқдори, унинг плазмадаги даражасининг 80% га етади.

Шох пардада, эпидермисда, дермада ва тер суюқлигида юқори концентрацияларга эришилади, улар зардобдагидан юқорироқ бўлади. Флуконазол терининг мугуз қаватида тўпланади. Препарат суткасига 50 мг дозада қабул қилинганида 12 кундан кейин мугуз қаватида флуконазол концентрацияси 73 мкг/г ни ташкил қилади, даволаш тугаганидан кейин 7 кун ўтгач 5,8 мкг/г ни ташкил қилади.

Препарат 150 мг дозада бир ҳафтада бир марта қўлланганида 7-кунда мугуз қаватда флуконазол концентрацияси 23,4 мкг/г ни, иккинчи дозани қабул қилгандан 7 кун ўтгач эса 7,1 мкг/г ни ташкил қилган. Тўрт ой давомида 150 мг дозада бир ҳафтада бир марта қўлланганида флуконазол концентрацияси соғлом тирноқларда 4,05 мкг/г ни ва зарарланган тирноқларда 1,8 мкг/г ни ташкил қилган. Даволаш тугаганидан 6 ой ўтгач флуконазол тирноқларда аниқланган.

Асосан буйраклар орқали чиқарилади; киритилган дозани тахминан 80% ўзгармаган ҳолда сийдикда аниқланади. Флуконазол клиренси креатинин клиренсига пропорционалдир.

Флуконазолнинг ярим чиқарилиш даври тахминан 30 соатни ташкил қилиши сабабли уни вагинал кандидозда суткада бир марта ёки сезувчан замбуруғлар чақирган бошқа касалликларда бир ҳафтада бир марта қабул қилиш мумкин.

 

Қўлланилиши

– криптококкоз (Cryptococcus замбуруғлари чақирган тизимли зарарланишлар), шу жумладан жавоби меъёридаги  ва турли шаклдаги иммуносупрессияли беморларда (шу жумладан СПИД билан касалланганларда, аъзоларнинг трансплантациясида) менингит, сепсис, ўпка ва тери инфекциялари;

– СПИД билан касалланган беморларда криптококк  инфекциясини олдини олиш учун;

– ёйилган кандидоз, шу жумладан кандидемия, диссеминирланган кандидоз  (қорин бўшлиғи, эндокард, кўзлар, нафас ва сийдик йўллари инфекциялари). Хавфли ўсмали беморларда, жадал даволаш бўлимидаги беморларда, цитостатик ва иммуносуппресив даволаш курсини ўтаётган беморларда, ҳамда кандидоз ривожланишига мойиллик келтирадиган бошқа омиллар мавжудлигида – даволаш ва олдини олиш;

– шиллиқ пардалар кандидози, шу жумладан оғиз бўшлиғи ва халқум (шу жумладан тиш протезларини тақиш билан боғлиқ оғиз бўшлиғининг атрофик кандидози), қизил ўнгач, ноинвазив бронх-ўпка кандидозлари, кандидурия, тери кандидозлари;

– генитал кандидоз, вагинал (ўткир ва сурункали қайталанувчи), кандидозли баланит;

– хавфли ўсмали беморларда кимё терапия ёки нур терапияси фонида замбуруғли инфекцияларни олдини олиш; СПИД ли беморларда орофарингеал кандидоз қайталанишини олдини олиш;

– тери микозлари, шу жумладан оёқ панжаси, чот соҳаси микозлари; кепаксимон темиратки, онихомикоз; тери кандидози;

– чуқур эндемик микозлар, шу жумладан кокцидиомикоз, иммунитети меъёрида бўлган беморлардаги споротрихоз ва гистоплазмозда қўлланади.

 

Қўллаш усули ва дозалари

Ичга қабул қилинади, ҳар куни, суткасига 1 марта.

Суткалик дозаси замбуруғ инфекциясининг табиати ва оғирлигига боғлиқ бўлиб индивидуал белгиланди. Даволаш давомийлиги клиник ва микологик самарасига боғлиқ.

 

 

 

Катталар

Криптококк инфекцияларда биринчи куни одатда 400 мг буюрилади, сўнгра даволаш 200-400 мг дозада суткада бир марта буюриб давом эттирилади. Даволаш давомийлиги одатда 6-8 ҳафтани ташкил этади. СПИД ли беморларда криптококк менингитини олдини олиш учун, бирламчи даволашнинг тўлик курси нихоясига етказилганидан сўнг, флуконазол 200 мг/сут дозада узоқ вақт давомида буюрилади.

Кандидоз инфекцияларда доза биринчи кун 400 мг, сўнгра эса 200 мг ташкил қилади. Клиник самараси етарли бўлмаса препарат дозаси суткада 400 мг гача оширилиши мумкин. Даволашнинг давомийлиги препаратни клиник самарасига боғлиқ.

Орофарингеал кандидозда препарат 50-100 мг дан суткада 1 марта буюрилади; даволаш давомийлиги – 7-14 кун. Зарурати бўлганида, даволаш давомлийроқ бўлиши мумкин.

Оғиз бўшлиғининг атрофик кандидозида флуконазол одатда 50 мг дан суткада 1 марта 14 кун давомида, бошқа шиллиқ пардаларнинг кандидозида (вагинал кандидоздан ташқари) самарали доза одатда 50-100 мг/сут ташкил қилади ва даволаниш давомийлиги 14-30 кун.

Вагинал кандидоз ва баланитда флуконазол ичга бир марта 150 мг дозада қўлланади

Тери микозлари, шу жумладан оёқ панжаси, чот соҳаси терисининг микозларида ва тери кандидозларида тавсия этиладиган доза 150 мг ҳафтада 1 марта ёки 50 мг суткада 1 мартани ташкил қилади. Даволаш давомийлиги одатдаги ҳолларда 2-4 ҳафтани ташкил қилади, аммо оёқ панжасининг микозларида даволаш узоқроқ вақтни талаб қилиши мумкин (6 хафтагача). Кепаксимон темираткида тавсия қилинадиган доза – 50 мг дан кунига 1 марта 2-4 ҳафта давомида.

Онихомикозларда тавсия этиладиган доза – 150 мг ҳафтада 1 марта. Инфицирланган тирноқ янгилангунга қадар (то янги тирноқ ўсиб чиққунча) даволашни давом эттириш лозим.

Иммунитети паст бўлган беморларда замбуруғли инфекцияларни олдини олиш учун – суткада 50 мг, бемор хавф гуруҳида даврига.

Болаларга 6 ёшдан бошлаб.

Шиллиқ пардалар кандидозида – 3-6 мг/кг суткада, камида 3 ҳафта давомида;

Тизимли кандидозларда – 6-12 мг/кг суткада, 10-12 ҳафта давомида (ликворда қўзғатувчи йўқлигини лаборатория текшируви тасдиқлагунча).

Болаларда қўлланадиган суткалик доза катталарга буюриладиган суткалик дозадан ошмаслиги лозим. Кекса ёшдаги беморларда препарат бир марта қабул қилинганида дозани ўзгартириш талаб этилмайди. Буйракларнинг фаолияти бузилган беморларда препарат такрорий буюрилганида дастлаб 50-400 мг дозани юбориш керак. Кейин суткалик дозани жадвалга қараб белгиланади (креатинин клиренси кўрсаткичларига кўра): Дозалари ва даволаш давомийлиги индивидуал тарзда аниқланади.

 

Ножўя таъсирлари

Тез-тез:

– иштаҳа пасайиши, кўнгил айнаши, диарея, қабзият, метеоризм, абдоминал оғриқлар, тиш оғриғи;

– бош оғриғи,  бош айланиши,  толиқиш;

– тери тошмаси.

Кам ҳолларда:

-жигар функциясинг бузилиши (склераларнинг сарғайиши, сариқлик, гипербилирубинэмия, аланинаминотрансфераза, аспарагинаминотрансфераза ва ишқорий фосфатаза фаоллигини ошиши).

– гепатотоксиклик, шу жумладан асосий оғир касаллиги бор (СПИД, рак) беморларда онда-сонда ўлим билан якун топадиган ҳоллар;

– тиришишлар;

– кўп шаклли экссудатив эритема (шу жумладан Стивенс-Джонсон синдроми), токсик эпидермал некролиз (Лайелл синдроми), анафилактоид  реакциялар;

– лейкопения, тромбоцитопения (қон кетиш, петехия), нейтропения, агранулоцитоз, гиперхолестеринемия, гипертриглицеридемия, гипокалиемия;

– буйрак функцияси бузилиши;

– алопеция;

– ЭКГ да QT оралиғини узайиши, қоринчалар липиллаши.

 

Қўллаш мумкин бўлмаган ҳолатлар

– флуконазолга бўлган юқори сезувчанлик (шу жумладан бемор анамнезида бошқа азол замбуруғларга қарши препаратларга ҳам);

– терфенадин, цизаприд ва астемизол билан бир вақтда қабул қилиш;

– ҳомиладорлик ва лактация даври;

– 6 ёшгача бўлган болаларда қўллаш мумкин эмас.

 

Дориларнинг ўзаро таъсири

Флуконазол кумарин антикоагулянтлари билан билан бирга қўлланганида протромбин вақти узаяди, шунинг учун  флуконазол қабул қилаётган беморларда протромбин вақти кўрсатгичларини синчиклаб кузатиш тавсия этилади.

Гипогликемик воситалар билан бирга қўлланганида – гипогликемия ривожланиши мумкин.

Рифампицин билан – флуконазол дозасини ошириш лозим, чунки флуконазолнинг сўрилиши 25% га камаяди ҳамда ярим чиқарилиш даври 20% га узаяди.

Флуконазол зидовудин билан бирга қўлланганида – қонда уларнинг концентрацияси ошиши кузатилади.

Терфенадин ёки цизаприд билан – аритмиялар, шу жумладан юрак қоринчалар тахикардияси пароксизмлари юзага келиш хавфи ошади.

Теофиллин билан –  юқори дозада теофиллин қабул қилаётган ёки теофиллин билан заҳарланиш эҳтимоли бўлган беморлар, теофиллин дозасини ошириб юбориш белгиларини эрта аниқланиши мақсадида кузатув остида бўлишлари керак, чунки унинг ярим чиқарилиш даври узаяди.

Рифабутин ва циклоспорин билан  – увеит ҳоллари  ривожланиши мумкин.

Такролимус билан – унинг зардобдаги концентрацияси кўпаяди.

Флуконазол ва фенитоинни бир вақтда қўллаш плазмадаги фенитоин концентрациясини клиник аҳамиятли даражасигача ошишига олиб келиши мумкин. Шунинг учун бу препаратларни бирга қўллашни зарурати бўлганида, фенитоин даражасини терапевтик чегаралар оралиғида тутиб туриш мақсадида, унинг концентрациясини мониторлаб дозасини мослаб туриш керак

Гидрохлортиазид билан бирга қўлланганида флуконазолнинг плазмадаги концентрацияси 40% гача ошиши мумкин.

 

Махсус кўрсатмалар

Клиник-гематологик ремиссия пайдо бўлгунча даволашни давом эттириш керак. Муддатидан аввал даволашни тўхтатиш қайталанишга олиб келади. Даволашни экиш ёки бошқа лаборатория таҳлил натижаларини олмасдан аввал, кейинчалик олинган текширув натижаларига кўра фунгицид терапияга тузатиш киритилган ҳолда бошлаш мумкин.

Даволаш даврида  қон кўрсаткичларини, буйраклар ва жигар функцияси назорат қилиш керак. Буйраклар ва жигар функциясинг бузилишида препарат қабул қилишни тўхтатиш керак.

Одатда, флуконазолнинг гепатотоксик таъсири флуконазол билан даволаш тўхтатилгандан сўнг йўқолади..

Тери тошмалари пайдо бўлган иммунодепрессияли беморларни синчиклаб кузатиш зарур, тери реакцияси зўрайган тақдирда флуконазол билан даволашни бекор қилиш керак (Стивенс–Джонсон синдроми, Лайелл синдром ривожланиши хавфи).

Кумарин антикоагулянтлари билан бирга флуконазол қабул қилаётган беморларда протромбин вақти кўрсаткичларини синчиклаб кузатиш керак.

Флуконазол олаётган кўчириб ўтказилган буйракли беморлар қонида циклоспорин концентрациясини назорат қилиш тавсия этилади.

Препаратнинг транспорт воситаларини ёки потенциал ҳавфли механизмларни бошқариш қобилиятига таъсири  

Транспорт воситалари ҳайдовчиларига ва фаолияти аниқ ҳаракатлар координациясини талаб қилувчи шахсларга эҳтиёткорлик билан буюрилади.

Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

 

Дозани ошириб юборилиши

Симптомлари: кўнгил айнаши, қоринда оғриқ, диарея, метеоризм, бош оғриғи,  бош айланиши, галлюцинациялар, тери тошмаси, анафилактик реакциялар.

Даволаш: симптоматик (меъдани ювиш, тутиб турувчи терапия); жадалланган диурез препарат чиқарилишини тезлаштириши мумкин.

 

Чиқарилиш шакли

50 мг ли таблетка 7 донадан контур уяли қадоқда қўллаш йўриқномаси билан картон қутига жойланади.

 

Сақлаш шароитлари

Қуруқ, ёруғликдан ҳимояланган жойда, 25 ⁰С дан юқори бўлмаган ҳароратда сақлансин.

Препарат болалар оломайдиган жойда саклансин.

 

Яроқлилик муддати

3 йил.

Яроқлилик муддати ўтгандан кейин ишлатилмасин

 

Дорихоналардан бериш тартиби

Рецептсиз.