силденафила цитрат и дапоксетина гидрохлорид
Препаратнинг савдо номи: Циклон DX
Таъсир этувчи моддалар (ХПН): силденафил цитрати ва дапоксетин гидрохлориди
Дори шакли: қобиқ билан қопланган таблетка
Таркиби
Бир таблетка қуйидагиларни сақлайди:
фаол моддалар: силденафил – 50/100 мг; дапоксетин – 30/60 мг.
ёрдамчи моддалар: маккжўхори крахмали, лактоза, повидон (PVP-K-30), изопропил спирти, тозаланган тальк, магний стеарати, натрий кроскармеллоза, сувсиз коллоид кремний, сувли индигокармин бўёвчиси, тозаланган тальк.
Таърифи: ҳар икки томони силлиқ, ромбсимон шаклли, кўк рангли плёнка қобиқ билан қопланган таблеткалар.
Фармакотерапевтик гуруҳи: эрекцияни бузилишини даволаш учун қўлланадиган препаратлар. Жинсий алоқа вақтини узайтирувчи препаратлар.
АТХ коди: G04BE
Фармакологик ҳусусиятлари
Силденафил ғовак танада цГМФ парчаланишига жавобгар бўлган цГМФ-специфик фосфодиэстераза 5 турини (ФДЭ5) кучли ва селектив ингибитори ҳисобланади. Силденафил ғовак танага бевосита бўшаштирувчи таъсир кўрсатмайди, аммо ушбу тўқимага азот оксидининг бўшаштирувчи самарасини фаол равишда кучайтиради. Жинсий қўзғалишда силденафил таъсирида NO ни локал ажралиб чиқиши ғовак танада ФДЭ5 ни сусайишига ва цГМФ нинг даражасини ошишига олиб келади, бунинг натижасида ғовак танада силлиқ мушакларни бўшашиши ва қон оқимини кучайиши кузатилади.
Силденафил ранг (кўк/яшил) ажратиш қобилиятини енгил ва ўтиб кетувчи бузилишини чақириши мумкин. Ранг ажратишни бузилишини тахмин қилинган механизми бўлиб тўр пардада рангни ўтказиш жараёнида иштирок этадиган ФДЭ6 ни сусайиши ҳисобланади. In vitro шароитларда ўтказилган текширишлар, силденафилни ФДЭ6 га таъсири уни ФДЭ5 га нисбатан фаоллигидан 10 марта камлигини кўрсатди.
In vitro шароитларда ўтказилган текширишлар, силденафилни ФДЭ5 га нисбатан фаоллиги уни фосфодиэстезанинг бошқа изоформалари (ФДЭ 1, 2, 3, 4 ва 6) га нисбатан фаоллигидан 10-10000 марта устунлигидан далолат беради. Хусусан силденафилни ФДЭ5 га нисбатан фаоллиги юрак қисқаришида иштирок этадиган цАМФ-специфик фосфодиэстераза – ФДЭ га нисбатан фаоллигидан 4000 марта устун туради.
Дапоксетин серотонинни қайта қамраб олинишини блоклайди, бу 18 ёшдан ошган эркакларда муддатидан олдин кузатиладиган эякуляция муаммоси билан самарали курашиш имконини бериши клиник жиҳатдан тасдиқланган. Турли ёшдаги барча эркакларнинг тахминан 27-34% муддатидан олдин кузатиладиган эякуляция муаммоси билан хасталанганлар. Кўпчилик эркакларда эякуляция улар ўйлагандан эртароқ кузатилади.
Дапоксетин препарати жинсий яқинликни 200-400 фоизга узайтиради. SSRIs (серотонинни қайта қамраб олинишини селектив ингибиторлари СҚҚСИ) бош мияда кимёвий серотонинни ютилишига сабабчи бўладиган рецепторларни блоклаб таъсир қилади. Текширишларда, серотонин нейромедиатори кайфиятга таъсир қилиши исботланган. СҚҚСИ серотонинни сўрилиш жараёнини блоклаб, кайфият, ҳулқ-атвор ва дунёқарашни яхшилайди. Аммо кўпчилик одамлар учун шунингдек безовталикка сабаб бўлиши мумкин. СҚҚСИ селектив ҳисобланади ва бошқа нейромедиаторларга таъсир кўрсатмасдан, фақат серотонинга таъсир қилади.
Фармакокинетикаси
Силденафил ичга қабул қилинганидан сўнг тез сўрилади. Мутлоқ биокираолишлиги ўртача 40% (25-63%) ни ташкил этади. 100 мг дозада ичга бир марта қабул қилинганидан сўнг Сmax 18 нг/мл ни ташкил этади ва оч қоринга қабул қилинганида 30-120 минут давомида эришилади. Силденафил ёғли овқат билан бирга қабул қилинганида сўрилиш тезлиги камаяди; Тmax 60 минутга узаяди, Сmax эса ўртача 29% га камаяди. Мувозанатли ҳолатда силденафилнинг Vd ўртача 105 л ни ташкил этади. Силденафил ва унинг қонда айланиб юрувчи асосий N-десметил метаболити плазма оқсиллари билан тахминан 96% га боғланади. Оқсиллар билан боғланиши силденафилнинг умумий концентрациясига боғлиқ эмас. 0,0002% дан камроқ дозаси (ўртача 188 нг) силденафил ичга қабул қилинганидан сўнг 90 минутдан кейин спермада аниқланган.
Силденафил асосан жигарнинг микросомал изоферментлари CYP3A4 (асосий йўли) ва CYP2C9 таъсири остида метаболизмга учрайди.
Силденафилни N-десметилланиши натижасида ҳосил бўладиган, қонда айланиб юрувчи асосий метаболити навбатдаги метаболизмга учрайди. ФДЭ га селектив таъсири бўйича метаболити силденафил билан бир хилдир, in vitro шароитларда уни ФДЭ5 га нисбатан фаоллиги силденафилнинг ўзининг фаоллигини тахминан 50% ни ташкил этади. Плазмада метаболитининг концентрацияси силденафилнинг концентрациясини тахминан 40% ни ташкил этади. N-десметилметаболити кейинчалик метаболизмга учрайди; унинг терминал Т1/2 тахминан 4 соатга тенг.
Организмда силденафилнинг умумий клиренси 41 л/соатга тенг, Т1/2 терминал фазада – 3-5 соат. Ичга қабул қилинганидан сўнг силденафил асосан ахлат билан (дозасининг тахминан 80%) метаболитлар ҳолида ва камроқ даражада сийдик билан (дозасининг тахминан 13%) чиқарилади.
Кекса ёшдаги (65 ёш ва ундан ошган) пациентларда силденафилнинг клиренси пасайган бўлади, плазмада эркин фаол метаболитининг концентрацияси эса ёш пациентлардаги (18-45 ёш) концентрациясидан тахминан 40% га юқори бўлади.
Енгил (КК минутига 50-80 мл) ва ўртача (КК минутига 30-49 мл) даражадаги буйрак етишмовчилигида силденафил ичга бир марта (50 мг) қабул қилинганидан сўнг унинг фармакокинетик кўрсаткичлари ўзгармайди. Оғир даражадаги (КК ≤ 30 мл/мин) буйрак етишмовчилигида силденафилнинг клиренси пасаяди, бу шундай ёшдаги пациентларда буйракларни фаолияти нормал бўлганида AUC (100%) ва Cmax (88%) ни ушбу кўрсаткичларга нисбатан тахминан икки марта ошишига олиб келади.
Жигар циррози (Чайлд-Пью шкаласи бўйича А ва В синфлар) бўлган пациентларда силденафилнинг клиренси пасаяди, шундай ёшдаги пациентларда жигар фаолияти нормал бўлганида AUC (84%) ва Cmax (47%) ни ушбу кўрсаткичларга нисбатан ошишига олиб келади.
Дапоксетин гидрохлориди ўзига хос фармакокинетик ҳусусиятларга эга. Бошқа СҚҚСИ энг юқори самарадорликка камида икки ҳафтадан кейин эришади, дапоксетин гидрохлориди эса қон плазмасида максимал концентрациясига ичга қабул қилинганидан сўнг камида бир соатдан кейин эришади ва организмдан бир-икки соат давомида бутунлай чиқарилади.
Навбатдаги 24 соат давомида (препарат қабул қилинганидан кейин) унинг плазмадаги концентрацияси максимал концентрациясини 5% дан камроқ қисмини ташкил этади. Препарат тез ўзлаштириладиорганизмдан чиқарилади, бу уни ҳар куни қабул қитлиш имконини беради.
Дапоксетин 2-3 соат давомида метаболизмга учрайди, унинг қон плазмасидаги миқдори максимал концентрациясини тахминан 50% га камайтиради. Шундай қилиб, оптимал самарасига препарат ичга қабул қилингандан сўнг 30 минутдан кейин эришади.
Қўлланилиши
Циклон DX препарати жинсий алоқа самарали бўлиши учун, етарли даражада жинсий олат эрекциясига эришиш ёки эришилган эрекцияни тутиб туришга ва шу билан биргаликда эякуляция вақтини назорат қилишга қодир бўлмаган эрта бўшалиш ва эректил дисфункцияси бўлган, катта ёшдаги эркакларда қўллаш учун кўрсатилган.
Циклон DX препарати жинсий алоқа самарали бўлиши учун, етарли даражада жинсий олат эрекциясига эришиш ёки эришилган эрекцияни тутиб туришга қодир бўлмаган эректил дисфункцияси бўлган, катта ёшдаги эркакларда қўллаш учун кўрсатилган.
Циклон DX препарати жинсий алоқа самарали бўлиши учун, етарли даражада эякуляция вақтини назорат қилишга қодир бўлмаган эрта бўшалиш белгилари бўлган, катта ёшдаги эркакларда қўллаш учун кўрсатилган.
Қўллаш усули ва дозалари
Циклон DX ичга қабул қилинади.
Ушбу препаратни қўллашдан олдин шифокор билан олдиндан маслаҳатлашиш керак. режалаштирилаётган жинсий фаолликдан тахминан 1 соат олдин ичга қабул қилинади. Бир марталик дозаси 50 мг силденафил/30 мг дапоксетинни ташкил этади. Самарадорлиги ва ўзлаштирилишини ҳисобга олиб, дозаси 100 мг силденафил/60мг дапоксетингача оширилиши мумкин. Бир марталик максимал дозаси 100 мг силденафил/60мг дапоксетинни ташкил этади. Максимал қабул қилишлар сони суткада 1 мартани ташкил этади.
Ножўя таъсирлари
Силденафил:
Марказий нерв тизими томонидан: бош оғриғи, қизиб кетиш ҳисси, бош айланиши, уйқусизлик бўлиши мумкин.
Овқат ҳазм қилиш тизими томонидан: диспепсия, астения, диарея, қоринда оғриқ, кўнгил айниши бўлиши мумкин.
Суяк-мушак тизими томонидан: артралгия, миалгия, мушаклар тонусини ошиши.
Нафас тизими томонидан: бурунни битиши, фарингит, ринит, синусит, нафас йўллари инфекциялари, нафасни бузилиши.
Сезги аъзолари томонидан: кўришни ўзгариши (енгил ва ўткинчи; асосан жисмларнинг рангини ўзгариши, шунингдек ёруғликни ҳис этишни кучайиши ва кўриш ўткирлигини бузилиши), конъюнктивит.
Бошқалар: гриппсимон синдром, инфекцион касалликларни ривожланиши, вазодилатация симптомлари, белда оғриқ, тошма, сийдик чиқариш йўллари инфекциялари, простата безининг фаолиятини бузилишлари; якка ҳолларда – приапизм.
Дапоксетин:
Кўнгил айниши – дапоксетиннинг кичик дозаси (30 мг) ни қабул қилган эркакларнинг 8,7% да ва катта дозаси (60 мг) ни қабул қилган эркакларнинг 20% да кузатилган.
Бош оғриғи – дапоксетиннинг кичик дозасини қабул қилган эркакларнинг 5,9% да, катта дозасини қабул қилган эркакларнинг 6,8% да кузатилган.
Диарея – дапоксетиннинг катта дозасини қабул қилган эркакларнинг 6,8% да кузатилган.
Бош айланиши – дапоксетиннинг катта дозасини қабул қилган эркакларнинг 6,2% да кузатилган.
Бош айланганида ва кўнгил айниганида шифокорга мурожаат қилинг.
Препаратнинг ножўя таъсирлари бўйича шифокор билан маслаҳатлашинг.
Қўллаш мумкин бўлмаган ҳолатлар
Силденафил цитрат
Дапоксетин гидрохлориди
Дориларнинг ўзаро таъсири
Циклон DX таркибида силденафил ва дапоксетин сақлаганлиги сабабли, у компонентларини ҳар бири учун характерли бўлган ўзаро таъсирга киришиши мумкин.
Силденафил
CYP3A4 ни ингибиторлари (эритромицин, циметидин) билан бир вақтда қўлланганида силденафилнинг клиренси пасаяди, қон плазмасида силденафилнинг концентрацияси ошади.
Индинавир, секвинавир, ритонавир билан бир вақтда қўлланганида силденафилнинг қон плазмасидаги Сmax ва AUC ошади, бу индинавир, секвинавир, ритонавир таъсирида CYP3A4 изоферментини ингибиция бўлиши билан ифодаланади.
Кетоконазол ёки итраконазол каби CYP3A4 изоферментининг кучли ингибиторлари қон плазмасида силденафилнинг концентрациясини ошириши мумкинлигини кутиш мумкин.
Нитратлар билан бир вақтда қўлланганида нитратларнинг гипотензив таъсири кучаяди.
Симвастатин қабул қилаётган пациентда силденафилнинг дозаси бир марта қабул қилинганидан сўнг рабдомиолизнинг симптомларини ривожланиш ҳоллари келтирилган.
Дапоксетин Қуйидаги препаратлар билан қабул қилиш мумкин эмас:
Дапоксетин препаратини ушбу препаратлардан бирон-бири билан бир вақтда қўллаш мумкин эмас. Бундан ташқари, дапоксетин препаратини қабул қилишдан камида 14 кун олдин юқорида санаб ўтилган препаратлардан бирон-бирини қабул қилишни тўхтатиш керак. Дапоксетин препаратини қабул қилиш тўхтатилганидан сўнг юқорида санаб ўтилган препаратларни камида 7 кундан кейин қабул қилишни бошлаш керак.
Шунингдек дапоксетин препаратини қуйидагилар билан бирга қўллаш тавсия этилмайди:
Агар сиз юқорида санаб ўтилган препаратлардан бирон-бирини қабул қилаётган бўлсангиз, дапоксетин препаратини қабул қилманг.
Дапоксетинни бошқа дори воситалари билан мутаносиблиги бўйича масалалар бўйича шифокор билан маслаҳатлашинг.
Махсус кўрсатмалар
Силденафил
Силденафилни қабул қилишни бошлашдан олдин юрак қон-томир тизимини текшириш керак.
Жинсий олатни анатомик деформацияси бўлган пациентларда (масалан, ангуляция, каверноз фиброз ёки Пейрон касаллиги) ва приапизмни ривожланишига мойил касалликлари бўлган (ўроқсимон ҳужайрали анемия, кўпчилик миелома ёки лейкемия) одамларда препаратни эҳтиёткорлик билан қўллаш керак.
Жинсий фаолликни кучайтириш мумкин бўлмаган пациентларда қўллаш мумкин эмас.
Қон оқишига мойиллиги бўлган пациентларда, меъда ўн икки бармоқли ичак яра касаллигини зўрайиш босқичида, наслий пигментли ретинитда эҳтиёткорлик билан қўллаш керак.
Экспериментал текширишларда силденафилнинг концерогенлиги юзасидан далиллар аниқланмаган. Мутагенлигини ўрганиш бўйича бактериал ва in vivo синамалар манфий бўлган.
Силденафил препаратини 18 ёшгача бўлган пациентларда қўллаш мумкин эмас.
Дапоксетин
Препарат ихтиёрсиз ҳомиладорлик ёки ОИТВ (одам иммун танқислиги вируси) каби венерик касалликлардан сақламайди.
Жинсий фаоллик юракка бўлган юкламани оширади, бу юрак қон-томир касаликлари бўлганида ҳавфли бўлиши мумкин.
Жинсий фаоллик вақтида кўкракда оғриқ пайдо бўлганида шифокорга мурожаат қилинг.
Кўриш кескин ёмонлашганида ёки йўқолганида шошилинч ёрдам кўрсатиш учун шифокорга мурожаат қилинг. Алкоголь истеъмол қилиш препаратнинг ножўя самараларини кучайтириши мумкин.
Дозани ошириб юборилиши
Симптомлари – ножўя кўринишлари кучайиши мумкин.
Даволаш – симптоматик. Специфик антидоти йўқ.
Чиқарилиш шакли
Алюминий / ПВХ блистер ўрамда. 1х1 ёки 1х4 қўллаш бўйича йўриқномаси билан бирга картон қутида.
Сақлаш шароити
Қоронғи жойда 25оС дан юқори бўлмаган ҳароратда сақлансин.
Яроқлилик муддати
2 йил.
Дорихоналардан бериш тартиби
Рецепт бўйича.