Препаратнинг савдо номи: Велфлокс

Таъсир этувчи моддалар (ХПН): офлоксацин, орнидазол

Дори шакли: плёнка қобиқ билан қопланган таблеткалар.

Таркиби:

Ҳар бир плёнка қобиқ билан қопланган таблетка қуйидагиларни сақлайди:

фаол моддалар: 200 мг офлоксацин, 500 мг орнидазол;

ёрдамчи моддалар: маккажухори крахмали, натрия крахмал гликолят, повидон, кросповидон, микрокристалл целлюлоза 101, аэросил, магний стеарати,  изопропил спирти, Instacoat Orange қобиқ учун бўёқ.

Таърифи: олов рангли, капсула шаклли, бир томонлама синдириш чизиғи бўлган, плёнка қобиқ билан қопланган таблеткалар.

Фармакотерапевтик гуруҳи: Антибактериал синтетик восита.

АТХ коди: J01RA09

 

Фармакологик хусусиятлари

Фармакодинамикаси

Офлоксацин фторхинолонлар гуруҳига мансуб. Кенг таъсир доирасига эга.

Бошқа фторхинолонлар каби офлоксациннинг бактерицид таъсири бактерияларнинг ДНК-гираза (микроорганизмлар уларсиз яшай олмайди) ферментини блоклаб қўйиш қобилияти билан боғлиқ.

Офлоксацин пенициллин, аминогликозидлар, цефалоспоринларга чидамли, шунингдек кўп сонли чидамлиликка эга микроорганизмларга нисбатан кенг таъсир доирасига эга. Вируслар ва замбуруғлар препаратга нисбатан сезувчан эмас.

Орнидазол протозой ва аралаш инфекцияларни даволашда юқори самарадорликка эга. Орнидазол Trichomonas vaginalis, Entamoeba histolytica, Giardia lamblia (Giardia  intestinalis), шунингдек Gardnerella vaginalis, Bacteroides ва Clostridium spp., Fusobacterium ва анаэроб кокклар каби айрим анаэроб бактерияларга нисбатан фаол.

 

Фармакокинетикаси

Сўрилиши:

Орнидазол тез сўрилади. Сўрилиши ўртача 90% ни ташкил қилади. Плазмадаги чўққи концентрациясига 3 соатдан кейин эришилади. Офлоксацин ичга қабул қилинганда деярли тўлиқ сўрилади.

Тақсимланиши:

Орнидазолнинг плазма оқсиллари билан боғланиш даражаси 13% ни ташкил қилади. Орнидазол орқа мия суюқлиги ва тўқималарга яхши киради. Плазмадаги концентрацияси препаратни қўллаш бўйича турли кўрсатмалари учун оптимал даражада қолади (3-36 мг/л). In vitro шароитда офлоксацинни плазма оқсиллари билан боғланиши тахминан 32% ни ташкил қилади. Офлоксацин организм тўқималарида яхши тақсимланади.

Метаболизми:

Орнидазол 2-гидроксиметил- ва α-гидроксиметил метаболитини ҳосил қилиб, жигарда метаболизмга учрайди. Иккала метаболити ўзгармаган орнидазолга нисбатан Trichomonas vaginalis ва анаэроб бактерияларга нисбатан фаоллиги камроқ. Қондаги офлоксациннинг максимал концентрацияси юборилгандан 1-3 соатдан кейин кузатилади.

Чиқарилиши:

Орнидазолнинг ярим чиқарилиш даври тахминан 13 соатни ташкил қилади. Бир марта қабул қилингандан кейин дозанинг 85% 5 кун давомида, асосан метаболитлари кўринишида чиқарилади. Қабул қилинган дозанинг тахминан 4% буйраклар орқали ўзгармаган кўринишда чиқарилади. Офлоксацин асосан ўзгармаган кўринишда сийдик билан чиқарилади.

 

Қўлланилиши

Препарат препаратининг компонентлари қуйидаги сезгир қўзғатувчилар (микроорганизмлар ва содда ҳайвонлар) томонидан чақирилган аралаш инфекцияларни даволаш учун қўлланади:

• сийдик жинсий аъзолари тизимининг касалликлари: ўткир ва сурункали пиелонефрит, простатит, цистит, эпидидимит, жарроҳлик инфекциялари, сийдик-жинсий йўлларининг асоратланган ва қайталанадиган инфекциялари, гинекологик касалликлар;
• пенициллинга чидамли гонококклар, хламидиялар, трихомонадалар ва бошқа микроорганизмлар томонидан чақириладиган, жинсий йўли орқали юқадиган касалликлар;
• қорин бўшлиғи аъзолари ва ўт йўлларининг инфекциялари, шунингдек амёбиаз – амёба дизентерияси, ичакдан ташқари шакллари, айниқса жигарнинг амёбали абсцесси, лямблиоз ва қорин тифи, салмонеллёз, шигеллёз каби бошқа инфекцион касалликлар;
• оғиз бўшлиғининг инфекциялари, ўткир некротик ярали гингивит;
• иммунтанқислиги бўлган беморлар ёки нейтропенияли беморларда инфекцион асоратларни олдини олиш; операциядан олдинги тайёргарлик ва жарроҳлик инфекцияларни операциядан кейинги даволаш, айниқса гастроэнтерологияда.

 

Қўллаш усули ва дозалари

Препарат ни чайнамасдан, сув билан бирга, ичга қабул қилиш лозим. Препаратни овқатдан олдин ҳам, кейин ҳам қабул қилишга рухсат берилади. 2 ойдан ортиқ қабул қилиш тавсия этилмайди. Препарат нинг дозасини ва даволаш давомийлигини шифокор белгилайди. Катталар учун ўртача доза 1 таблеткадан суткада 2 марта, даволаш давомийлиги 7-10 кун; даволашни касалликнинг клиник симптомлари йўқолганидан кейин камида 3 кун давом эттириш лозим.

 

 

 

 

Ножўя таъсирлари

Меъда-ичак йўллари: қорин оғриғи, кўнгил айниши, қусиш, анорексия, энтероколит, гипогликемик препаратлар қабул қилаётган қандли диабети бўлган беморларда гипогликемия.

Нерв тизими: қўзғалиш, бош айланиши, бош оғриғи, уйқуни бузилиши (уйқусизлик ёки уйқучанлик), периферик сезувчанликни бузилиши; координацияни бузилиши.

Қон яратилиши: анемия, лейкопения, эозинофилия, тромбоцитопения, панцитопения.

Буйраклар: плазмадада креатининни ошиши.

Жигар: жигар ферментлари фаоллигини ва билирубинни ошиши.

Юрак-қон томир тизими: артериал гипотензия, тахикардия.

Скелет-мушак тизими: тенденитлар, айниқса, кекса ёшдаги пациентларда, шунингдек артралгиялар, миалгия бўлиши мумкин.

Аллергик реакциялар: тери ҳароратини ошиши, қичишиш, фотосенсибилизация, ангионевротик шиш.

 

Қўллаш мумкин бўлмаган ҳолатлар

Препаратнинг компонентларига юқори сезувчанлик (аллергия), тутқаноқ, марказий нерв тизимининг тиришишга мойиллиги бўлган шикастланишлари (бош мия жароҳати, инсульт, бош мия ва мия пардаларини яллиғланиш жараёнларидан кейин), 16 ёшгача болалар, ҳомиладорлик, эмизиш даврида қўллаш мумкин эмас.

 

Дориларнинг ўзаро таъсири

Агар Сиз антацид препаратларни ёки темир сақловчи препаратларни қабул қилаётган бўлсангиз, Препарат нинг самарадорлиги сусаяди, шунинг учун препаратни кўрсатилган препаратлардан 2 соат олдин ёки 2 соат кейин қабул қилиш лозим.

Ностероид яллиғланишга қарши воситалар билан бир вақтда қўлланганида МНТга ва тутқаноқ хуружларини ривожланишига рағбатлантирувчи таъсирининг хавфи ошади.

Пробенцид, циметидин, фуросемид ва метотрексат билан бир вақтда қўлланганида, Препарат ни сийдик билан чиқарилиши камаяди, ярим чиқарилиш даври узаяди ва унинг токсик таъсирини ҳавфи ошади. Кумарин қатори антикоагулянтларнинг самарасини кучайтиради, векуроний бромидининг миорелаксия қилувчи таъсирини оширади.

 

Махсус кўрсатмалар

Агар Сиз Препарат билан даволанаётган бўлсангиз, зарурати бўлмаса, бевосита қуёш нурлари таъсири остида бўлмаслигингиз керак, ультрабинафша нурлари (симоб-кварц лампалари, солярий) билан нурланишдан сақланиш керак.

 

Қанд даражасини камайтирувчи препаратларни қабул қилаётган қандли диабети бўлган беморларда Препарат ни эҳтиёткорлик билан қўллаш лозим.

Буйрак фаолиятини бузилиши ёки жигарни оғир шикастланиши (цирроз) бўлган беморлар ўртача суткалик дозани (2 таблетка) оширмасликлари лозим.

Препарат ни узоқ муддат қўлланиши препаратга чидамли микроорганизмларни ўсиши билан боғлиқ иккиламчи инфекцияни чақириши мумкин.

Препарат билан даволаниш вақтида алкоголли ичимликларини истеъмол қилишдан сақланиш керак.

Ҳомиладорлик ва лактация даврида қўлланиши

Препаратни ҳомиладорлик ва лактация даврида қўллаш мумкин эмас.

Автомобилни ва мураккаб механизмларни бошқариш қобилиятига таъсири

Транспорт воситаларини бошқараётган, машина ва механизмларда ишлайдиган пациентлар нерв тизими томонидан бўлиши мумкин бўлган нохуш самараларни ёдда тутишлари лозим.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

 

Дозани ошириб юборилиши

Дозани ошириб юборилишининг энг муҳим симптомлари бу марказий нерв тизими томонидан бўлган симптомлардир: бош айланиши, онгни чалкашиши, тутқаноқ хуружлари, овқат ҳазм қилиш йўллари томонидан реакциялар – кўнгил айниши ва қусиш. Дозани ошириб юборилган ҳолатларда дарҳол шифокорга мурожаат қилиш лозим.

 

Чиқарилиш шакли

10 таблетка блистерда, 3 ёки 5 блистер тиббиётда қўллаш бўйича йўриқномаси билан картон қутига жойлаштирилади.

 

Сақлаш шароити

Ёруғликдан ҳимояланган жойда, 25 ^оС дан юқори бўлмаган ҳароратда сақлансин.

 

Яроқлилик муддати

2 йил.

 

 

Дорихоналардан бериш тартиби

Рецепт бўйича.